Ադրբեջանը վրացական տաճարը վերածում է զուգարանի. վրացիներն ահազանգում են

Վրացի փորձագետ Նիկոլոզ Մժավանաձեն ահազանգում է՝ Ադրբեջանն իր տարածքում ոչնչացնում է պատմական քրիստոնեական հուշարձանները: Մժավանաձեն համեմատում է քրիստոենական եւ մուսուլմանական երկու սրբավայրեր. մի դեպքում 19-րդ դարի Սուրբ Երրորդության տաճարն է, որը զուգարանի է վերածվել ադրբեջանական Զագաթալայում, մյուս դեպքում՝ Վրաստանի Մառնեուլիի մզկիթն է, որը 2016-ին կառուցվել է: «Սրանից հետո մեզ վստահեցնում են, որ Ադրբեջանը մեր բարեկամն է», – infoteka24-ի փոխանցմամբ գրում է փորձագետը:

Հիշեցնենք, որ Ադրբեջանն արդեն գրավել է սահմանին գտնվող Դավիթ-Գարեջիի վանական համալիրը՝ իր զորքերը տեղակայելով համալիրի տարածքում: Վրացական հուշարձանները գտնվում են ամբողջովին լքված վիճակում:

Նշենք, որ Ալիևն արդեն ոչնչացրել է քրիստոնեական, հատկապես, հայկական ներկայությունը ժամանակակից Ադրբեջանի տարածքում, և հիմա էլ հրամայել է ջնջել հայկական տառերն Արցախի գրավյալ շրջաններում գտնվող բոլոր ճարտարապետական հուշարձանների վրայից:

Լրատվական գործակալությունը նկատել է, որ վրացի պաշտոնյաները ոչ մի կերպ չեն արձագանքում հարևան պետության նկատմամբ Բաքվի բացահայտ թշնամական գործողություններին: