Ադրբեջանցի պատգամավորները քվեարկել են խորհրդարանի լուծարման օգտին

Ադրբեջանցի պատգամավորներն այսօր կողմ են քվեարկել երկրի խորհրդարանի` Միլի մեջլիսի ինքնալուծարման օգտին:
Նախագահ Իլհամ Ալիևի կողմից խորհրդարանը լուծարելու և արտահերթ խորհրդարանական ընտրություններ նշանակելու օգտին են արտահայտվել խորհրդարանի 125 պատգամավորներից 99-ը:
Խորհրդարանը լուծարելու նախաձեռնությամբ նախորդ շաբաթ հանդես էր եկել Ալիևի գլխավորած քաղաքական ուժը ՝ «Ենի Ազերբայջան» կուսակցությունը, որի ձեռքում է 125 մանդատներից 70-ը
Ադրբեջանի խորհրդարանի կազմում 125 պատգամավոր կա, նրանք ընտրվում են 5 տարի ժամկետով: Ներկայիս խորհրդարանը ընտրվել է 2015 թվականի աշնանը: