ԱՄՆ-ը պետք է ծանր հետևանքների առաջ կանգնեցնի Բաքվին. Ադամ Շիֆը դատապարտել է հայ գերիների դեմ սկսված դատը

ԱՄՆ Կոնգրեսական Ադամ Շիֆը դատապարտել և անընդունելի է համարել Արցախում ռազմական գործողությունների դադարեցումից հետո Ադրբեջանի կողմից մարդու իրավունքների շարունակական ոտնահարումը:

«Քանի դեռ մենք շարունակում ենք աշխատել հայ ռազմագերիների անհապաղ ազատ արձակման ապահովման ուղղությամբ, ԱՄՆ-ը պետք է ծանր հետևանքների առաջ կանգնեցնի Ադրբեջանին»,- ֆեյսբուքյան իր էջում, կիսվելով հայ ռազմագերիների դատավարության մասին հրապարակմամբ, գրել է ԱՄՆ-ի կոնգրեսական Ադամ Շիֆը: 

Նա հավելել է, որ չի կարելի թույլ տալ, որ Ադրբեջանը անպատիժ խախտի մարդու իրավունքները և տրորի միջազգային ստանդարտները: