Անցած գիշեր Վաշինգտոնի Ռոնալդ Ռեյգանի օդանավակայանի մոտ ռազմական Black Hawk ուղղաթիռը (Sikorsky H-60) բախվել է American Airlines ավիաընկերության քաղաքացիական Bombardier CRJ700 ինքնաթիռին։ Վերջինը թռչում էր Կանզաս նահանգի Վիչիտա քաղաքից և արդեն սկսել էր մոտենալ դեպի ցամաք։

Ինչպես հայտնում է CNN-ը, ուղղաթիռը պատկանել է ԱՄՆ բանակին և ուսումնամարզական թռիչք էր իրականացնում։ Ինքնաթիռում երեք զինվորական է եղել։The New York Post-ի փոխանցմամբ՝ ինքնաթիռը բաժանվել է երկու մասի, խորտակվել Պոտոմակ գետի ջրերի տակ, իսկ դրա բեկորները ցրվել են ջրային տարածքով մեկ։ Ինքնաթիռում եղել է 64 մարդ, այդ թվում՝ անձնակազմի 4 անդամ։Ըստ նախնական տեղեկությունների՝ ոչ ոք ողջ չի մնացել։Ողբերգության վայրում արդեն իսկ հայտնաբերվել է 19 զոհի դի

Լրատվամիջոցները հայտնում են, որ ինքնաթիռում եղել են երկրի պատանեկան հավաքականի անդամներ, ինչպես նաև Ռուսաստանի հավաքականի կազմում գեղասահքի զույգերի աշխարհի չեմպիոններ, իսկ այժմ մարզիչներ Եվգենյա Շիշկովան և Վադիմ Նաումովը, հավանաբար նրանց որդին՝ Մաքսիմը, որը նույնպես գեղասահորդ է, ինչպես նաև զույգ չմուշկներով։ ԽՍՀՄ առաջնության բրոնզե մեդալակիր Իննա Վոլյանսկայան։