ԱՄՆ նախագահ Դոնալդ Թրամփը ցանկանում է կրկին շահագործման հանձնել Ալկատրաս կղզու վատ համբավ ունեցող բանտը և ապագայում այնտեղ տեղակայել հատկապես վտանգավոր հանցագործներին։ Նա հանձնարարել է համապատասխան գերատեսչություններին «վերաբացել ընդլայնված և վերակառուցված Ալկատրասը՝ Ամերիկայի ամենաանողոք և դաժան հանցագործներին պահելու համար» — հայտնել է Թրամփը Truth Social հարթակում` հավելելով. «Այդպես էլ պետք է լինի։ Մենք այլևս չենք հանդուրժելու այս հանցագործներին, որոնք մեր փողոցներում տարածում են կեղտ, արյունահեղություն և քաոս։ Ալկատրասի կրկնաբացումը կլինի օրենքի, կարգի և արդարության խորհրդանիշը»։ Նշենք, որ Ալկատրասը ժայռոտ կղզի է Կալիֆոռնիայի ափերի մոտ՝ Սան Ֆրանցիսկոյից ոչ հեռու։ Մինչև 1963 թվականը այն համարվել է ԱՄՆ ամենավատ համբավ ունեցող բանտերից մեկը։ Այսօր Ալկատրաս կղզին թանգարան է և բազմաթիվ թռչունների բնակավայր, որը պահպանվում է որպես մշակութային և բնապահպանական հուշարձան։
Այլևս չենք հանդուրժելու հանցագործներին, որոնք տարածում են կեղտ, քաոս.Թրամփը կբացի վատ բանտը
