Այսուհետ դիմակ չկրելու համար կտուգանվեն ուղևորն ու վարորդը

ոկտեմբերի 8-ից Երեւանում ՀՀ քաղաքաշինության, տեխնիկական եւ հրդեհային անվտանգության տեսչական մարմինը (ՔՏՀԱ) խստացված մշտադիտարկումներ է իրականացնում հասարակական տրանսպորտի գործունեության նկատմամբ: Օրը երկու անգամ ստուգվում են հանրային տրանսպորտում եւ մարդատար տաքսի ավտոմոբիլներում ուղեւորների դիմակներն ու ախտահանիչ նյութերի առկայությունը:  

Եթե նախկինում հասարակական տրանսպորտում ուղեւորների դիմակ չդնելու դեպքում պատասխանատվության էր ենթարկվում տվյալ երթուղին սպասարկող կազմակերուպությունը, ապա հոկտեմբերի 8-ից մոտեցումն այլ է՝ դիմակ չդնելու համար տուգանվում են ուղեւորն առանձին, վարորդն ու տվյալ երթուղին սպասարկող կազմակերպությունն էլ՝ առանձին: Վարչական վարույթ ընդունվելու դեպքում հետեւանքը կարող է լինել նախազգուշացումից մինչեւ 300 հազար դրամ տուգանք, կրկնվելու դեպքում՝ 150-500 հազար դրամ: