Վերջին օրենսդրական փոփոխությունների արդյունքում, երբ մենք դիտարկում էինք պետական աջակցության հավելյալ ծրագրեր սահմանել տեխնոլոգիական ոլորտի ընկերությունների համար, մի կարեւոր որոշման եկանք, որ գիտահետազոտական աշխատանքների եւ փորձարարական մշակումների համար մեր գործիքները պետք է տարածենք ոչ միայն տեխնոլոգիական ուղղությունների, այլեւ առհասարակ տնտեսության բոլոր ճյուղերի համար: Այս մասին այսօր՝ հունվարի 30-ին, կառավարության նիստում հայտարարեց ԲՏԱ նախարար Մխիթար Հայրապետյանը։

Նրա խոսքով, այս տարվանից սկսած բոլոր հետազոտողները եւ գիտնականները, որոնք ներգրավված են լինելու այդ աշխատանքներում, իրենց համար, օրինակ, եկամտային հարկի 20 տոկոսի փոխարեն սահմանվելու է 10 տոկոս: