Անհետ կորածների և գերիների հարազատները կմասնակցեն 44–օրյայի քննիչ հանձնաժողովի աշխատանքին

2020 թվականի սեպտեմբերին սկսված պատերազմական գործողությունների հանգամանքների ուսումնասիրման քննիչ հանձնաժողովի աշխատանքներին պետք է մասնակցեն նաև զինծառայողների հարազատները: Տեղեկությունը հայտնում է ԱԺ մամուլի ծառայությունը։

Հաղորդագրության մեջ նշվում է, որ Ազգային ժողովի նախագահ Ալեն Սիմոնյանն այսօր` օգոստոսի 30-ին, աշխատանքային փակ քննարկում է նախաձեռնել 44-օրյա պատերազմում անհետ կորած և գերեվարված զինծառայողների հարազատների հետ:

Քննարկմանը մասնակցել են ԱԺ երեք խմբակցություններից պատգամավորներ, պատասխանատու գերատեսչությունների բարձրաստիճան ներկայացուցիչներ: