Աշխատանքից ազատվել են ՀՀ ԶՈՒ ՀՕՊ և ինժեներական զորքերի պետերը

ՀՀ նախագահ Արմեն Սարգսյանի հրամանագրերով աշխատանքից ազատվել են ՀՀ ԶՈՒ ՀՕՊ զորքերի պետ-վարչության պետ Արմեն Վարդանյանը և ՀՀ ԶՈՒ ինժեներական զորքերի պետ-վարչության պետ Իշխան Մաթևոսյանը:

Համապատասխան հրամանագրերում ասվում է.

«Հիմք ընդունելով Սահմանադրության 133-րդ հոդվածի 1-ին մասը, ինչպես նաև «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 1-ին մասի 11-րդ կետը՝ Արմեն Վարդանյանին ազատել Հայաստանի Հանրապետության զինված ուժերի հակաօդային պաշտպանության զորքերի պետ-վարչության պետի պաշտոնից»,- ասված է հրամանագրում:  

Նույն հիմքով ազատվել է նաեւ Իշխան Մաթևոսյանը: 

Մեր տեղեկություններով, 44-օրյա պատերազմից հետո մի շարք բարձրաստիճան գեներալների ազատման հարց էր դրվել, որոնցից են նաեւ Արմեն Վարդանյանն ու Իշխան Մաթեւոսյանը: