Աջափնյակում մետրոյի կայարանի նախագծման մրցույթի հաղթողը հայտնի է

Կայացել է Աջափնյակ վարչական շրջանում մետրոյի կայարանի նախագծման մրցույթը, հաղթել է ռուսական «Մետրոգիպրոտրանս» ընկերությունը: Տեղեկությունը «Հայկական ժամանակ»-ի հետ զրույցում հաստատել է Երեւանի քաղաքապետի մամուլի խոսնակ Հակոբ Կարապետյանը։

Թե ինչքա՞ն կտեւեն կայարանի նախագծման աշխատանքները, քաղաքապետի մամուլի քարտուղարը դժվարացավ ասել՝ պարզաբանելով․ «Նախագծի մրցույթը դրվել է առանց դրամական միջոցների, եւ ակնկալվում է, որ ՀՀ կառավարությունը կֆինանսավորի, որից հետո արդեն կկնքվի պայմանագիրը։ Մետրոպոլիտենը պետական գույք է, եւ, ըստ օրենքի, այդպես պետք է ընթանա գործընթացը: Տվյալ դեպքում քաղաքապետարանը զուտ տեխնիկական միջնորդի դեր է խաղում»։

Կարապետյանը նաեւ տեղեկացրել է՝ նախագիծը կարժենա 1 միլիարդ 800 միլիոն դրամ։ Երբ Կառավարությունը գումարը հատկացնի, գործընթացը կսկսվի, կկնքվի պայմանագիր, որով վերոնշյալ ընկերությունը կպարտավորվի որոշակի ժամկետում աշխատանքներն ավարտին հասցնել։ Ըստ խոսնակի՝ նախագծման աշխատանքները մոտավորապես 1․5 տարի կտեւեն։

Հ