Աջափնյակում նոր հանք չի շահագործվելու. Հայկ Մարությանը մերժել է հայտը

Երեւանի քաղաքապետ Հայկ Մարությանը ֆեյսբուքյան իր էջում գրել է, որ Աջափնյակում տուֆի և բազալտի նոր հանքի շահագործման հայտը կմերժվի. «Հիմնվելով հանրային լսումների արդյունքների և քաղաքապետարանի բնապահպանության վարչության եզրակացության վրա՝ որոշել եմ մերժել Աջափնյակում տուֆի և բազալտի նոր հանքի շահագործման հայտը։ Երևանը պետք է կրկին կանաչ ու էկոլոգիապես անվտանգ միջավայր դառնա»,- գրել է քաղաքապետը։

Հիշեցնենք, որ վերջին շրջանում պարբերաբար տեղեկություններ էին տարածվում, որ հնարավոր է՝ Աջափնյակում քարի հանք շահագործվի: