Առաջիկայում կներկայացնեն փակված մի շարք ոլորտների աստիճանական վերաբացման ծրագրերը

Կառավարությունն այսօր՝ հուլիսի 13-ի իր արտահերթ նիստում որոշում կայացրեց մեկ ամսով՝ 30 օրով, երկարաձգել արտակարգ դրության տեժիմը:

Վարչապետ Նիկոլ Փաշինյանը հայտարարեց, որ  Հայաստանն անվերջ չի կարող երակարաձգել արտակարգ դրության ռեժիմը։  Պարետ Տիգրան Ավինյանն էլ խորհրդարանում տեղեկացրեց, որ առաջիկայում կներկայացնեն սահմանափակված մի քանի ոլորտի աստիճանական վերաբացման ծրագրեր։

Փոխվարչապետ, արտակարգ դրության իրավական ռեժիմում պարետ  Տիգրան Ավինյանը խորհրդարան էր եկել լավ լուրերով․ պարետատունը քննարկում է ու առաջիկայում կներկայացնեն փակված  մի շարք ոլորտների  աստիճանական վերաբացման ծրագրերը։ Դրանք կրթության, մշակույթի ու զբոսաշրջության ոլորտներիում են։ Գուցե   աշակերտները սեպտեմբերին դպրոց հաճախեն՝  պահպանելով սահմանված կանոնները։

Սեպտեմբերին ակնկալվում է, որ  կորոնավիրուսի նոր դեպքերի թիվը օրական 140–ի կհասնի։ Սա բազմաթիվ գործոններով է պայմանավորված․  ջերմաստիճանից մինչև համաճարակային կանոնների   պահպանում։

«Այս  պահին քննարկվում է մասնավոր չվերթների ավելացման հարցը։ Ինչ վերաբերում է ընդհանուր ավիափոխադրումների վերականգնմանը, ապա  դա  պայմանավորված կլինի արտակարգ դրությունից  դուրս գալու և համավարակի ինտենսիվության հետ»,- նշեց Ավինյանը։Ավինյանը չբացառեց նաև խիստ սահմանափակումներին վերադառնալու հնարավորությունը։ Սա կլինի այն պահին, երբ կհասկանան, որ   առողջապահական  համակարգն ի վիճակի չէ սպասարկել հիվանդներին։