Առաջին անգամ ֆիլմ կնկարահանվի ոչ թե կինոստուդիայի տաղավարում, այլ Տիեզերքում

Պատմության մեջ առաջին անգամ նկարահանող խումբը տիեզերք է թռչել։ Մոսկվայի ժամանակով 11: 55: 02-ին «Սոյուզ MS-19» տիեզերանավը Բայկոնուր տիեզերակայանից մեկնեց Միջազգային տիեզերակայան:

Տիեզերանավ են մեկնել Ռուսաստանի հերոս տիեզերագնաց Անտոն Շկապլերովը, կինոռեժիսոր Կլիմ Շիպենկոն և դերասանուհի Յուլիա Պերեսիլդը: Առաջին անգամ ֆիլմ կնկարահանվի ոչ թե կինոստուդիայի տաղավարում, այլ Երկրի ուղեծրում: Եվ այդ հարցում նրանց կօգնեն տիեզերքի մասնագետները, որոնք նույնպես կնկարահանվեն ֆիլմում։ Յուլիա Պերեսիլդը և Կլիմ Շիպենկոն տիեզերակայանում կանցկացնեն առնվազն տասներկու օր:

«Կանչ» գեղարվեստական ֆիլմի գլխավոր հերոսուհին մարմնավորում է բժշկի կերպարը, որը, ըստ սցենարի տիեզերք է թռչում՝ տիեզերագնացի կյանքը փրկելու համար։

Տիեզերանավի թռիչքին հետևել են հանդիսատեսները, ինչպես նաև հեռուստադիտողները։