Առաջին բժիշկ ազգային հերոսը. սրտային վիրաբույժ Հագոպ (Հրայր) Հովագուիմիանը պարգեւատրվել է

Տարեսկզբին առողջապահության նախարար Արսեն Թորոսյանը խնդրել էր վարչապետին առաջարկել նախագահին առողջապահության զարգացման գործում Հայաստանի Հանրապետությանը մատուցած բացառիկ ծառայությունների, սրտի բարդ վիրահատություններ իրականացնող նորարարական բժշկական կենտրոն ստեղծելու և մեծաթիվ նոր մասնագետներ պատրաստելու, բազմաթիվ մարդկային կյանքեր փրկելու և երկարամյա անձնուրաց աշխատանքի համար բժիշկ Հագոպ (Հրայր) Հովագուիմիանին Հայրենիքի շքանշանով պարգևատրելու համար:

Այսօր արդեն նախագահի հրամանագրով վաստակաշատ բժիշկը պարգեւատրվել է Հայրենիքի շքանշանով:

Այս մասին հայտնում են ՀՀ առողջապահության նախարարությունից՝ հավելելով, որ նախարար Արսեն Թորոսյանը և առողջապահության նախարարության ողջ անձնակազմը շնորհակալություն են հայտնում բժիշկ Հագոպ (Հրայր) Հովագուիմիանին, ինչպես նաև շնորհավորում բարձր կոչմանն արժանանալու համար ու մաղթում քաջառողջություն:

Հագոպ (Հրայր) Հովագուիմիանը Հայաստանում արդի Սիրտ-անոթային Վիրաբուժական ծառայության հիմնադիրն է, Հայ Ազգի բացառիկ վիրաբույժներից: Նա 25 տարի առաջ եկավ Հայաստան՝ «Նորք – Մարաշ» Բժշկական Կենտրոն և իր թիմի շնորհիվ ավելի քան 20 հազար մարդու կյանք փրկեց ու շարունակում է փրկել: