Ատոմակայանը հրթիռակոծելու սպառնալիքով Ադրբեջանը կրկին ի ցույց դրեց իր հակամարդկային, ահաբեկչական բնույթը

ԱԺ պատգամավոր Ռուբեն Ռուբինյանը ֆեյսբուքի իր էջում անդրադարձել է Ադրբեջանի պաշտպանության նախարարության մամուլի ծառայության ղեկավար Վագիֆ Դարգյախլիի հայտարարությանը, որում ասվում էր, թե հայկական կողմը չպետք է մոռանա, որ առավել ժամանակակից հրթիռային համակարգերը, որոնք գտնվում են ադրբեջանական բանակի զինանոցում, կարող են մեծ ճշգրտությամբ հարվածել Մեծամորի ԱԷԿ-ին:

«Մեծամորի ատոմակայանը հրթիռակոծելու մասին սպառնալով՝ օրը ցերեկով մի արտգործնախարար գտնել չկարողացող Ադրբեջանի ղեկավարությունը կրկին ի ցույց դրեց իր հակամարդկային, հետադիմական ու ահաբեկչական բնույթը:

Միջազգային հանրությունը տեղեկացվում է այս մասին»,-ասված է պատգամավորի գրառման մեջ: