Արարատ Միրզոյանի կարգադրությամբ ԱԺ մի շարք պաշտոնյաներ ազատվել են աշխատանքից

Ազգային ժողովի նախագահ Արարատ Միրզոյանը հուլիսի 26-ին կարգադրություններ է ստորագրել, որոնցով ԱԺ մի շարք պաշտոնյաներ ազատվել են աշխատանքից։

ԱԺ նախագահի կարգադրությամբ՝ հուլիսի 30-ից զբաղեցրած պաշտոններին կազատվեն Ազգային ժողովի աշխատակազմի ղեկավարի տեղակալ Սամվել Մելիքսեթյանը, ԱԺ նախագահի խորհրդականներ Սյուզաննա Ավետիսյանը եւ Վահան Կոստանյանը, նաեւ ԱԺ նախագահի ռեֆերենտ Աշխեն Աբրահամյանը։

Իսկ օգոստոսի 2-ից զբաղեցրած պաշտոններից կազատվեն Ազգային ժողովի աշխատակազմի արարողակարգի վարչության պետ Արտակ Հովհաննիսյանը եւ աշխատակազմի ղեկավար-գլխավոր քարտուղար Առնակ Ավետիսյանը։

ԱԺ նախագահի մեկ այլ կարգադրությամբ՝ հուլիսի 27-30-ը ԱԺ նախագահ Արարատ Միրզոյանը կլինի արձակուրդում, որին կփոխարինի փոխխոսնակ Ալեն Սիմոնյանը։