Արթուր Վանեցյանը հարցաքննվել է

Երեկ՝ հունվարի 30-ին, Քննչական կոմիտեում երկու քրեական գործի շրջանակներում հարցաքննվել է ՀՀ ԱԱԾ նախկին տնօրեն Արթուր Վանեցյանը։Առաջին գործը վերաբերում է ՀՔԾ պետ Սասուն Խաչատրյանի եւ Վանեցյանի հեռախոսային խոսակցության գաղտնալսմանը։ Այս գործի շրջանակներում Արթուր Վանեցյանի բջջային հեռախոսը ենթարկվել է զննության։

Մյուս գործը վերաբերում է ՀՖՖ-ում առերեւույթ չարաշահումների դեպքին։ Երկու գործերով էլ Վանեցյանն ունի վկայի դատավարական կարգավիճակ,-հայտնում է ՀՀ քննչական կոմիտեի դեպարտամենտի տեղեկատվության եւ հասարակայնության հետ կապերի բաժնի պետ Նաիրա Հարությունյանը: