Արցախի ՊԲ ՀՕՊ ստորաբաժանումներն Ադրբեջանի ԱԹՍ են խոցել

Արցախի պաշտպանության բանակի հակաօդային պաշտպանության ստորաբաժանումները հյուսիս-արևելյան ուղղությամբ հուլիսի 18-ին՝ ժամը 06:38-ի սահմանում խոցել են հետախուզական թռիչք իրականացնող հակառակորդի ‹‹ORBITER-3›› տիպի անօթաչու թռչող սարք: Այս մասին տեղեկացնում են Արցախի Հանրապետության պաշտպանության նախարարության մամուլի ծառայությունից։«ՊԲ-ի առաջապահ ստորաբաժանումները շարունակում են լիակատար վերահսկողության տակ պահել իրադրությունն առաջնագծում և վստահորեն իրականացնել հանրապետության օդային և ցամաքային սահմանների պաշտպանություն»,- ասվում է հաղորդագրության մեջ: