Արցախում հեռախոսային և ինտերնետ կապի խնդիրները շուտով կլուծվեն

Արցախում կապի ոլորտի հետ կապված խնդիրները շուտով կլուծվեն։ Ինչպես  տեղեկացրին Արցախի արտակարգ իրավիճակների պետական ծառայությունից,  պատերազմի ընթացքում թշնամական կողմը թիրախավորել էր նաև Արցախի կապի ոլորտը:

«Ստեփանակերտում և մյուս շրջաններում այդ ուղղությամբ այժմ վթարների վերականգնողական աշխատանքներ են տարվում: Կարճ ժամանակաընթացքում կվերականգնվի հեռախոսի և ինտերնետ կապը»,- նշված է հաղորդագրության մեջ:

Աշխատանքներ են տարվում նաև կենսական կարևոր նշանակության` էներգամատակարարման, ջրամատակարարման և գազամատակարարման համակարգերի վերականգնման ուղղությամբ, որոնք ևս վնասվել են հրթիռահրետակոծության հետևանքով: