Բայդենը ժամանակավորապես լիազորությունները հանձնում է փոխնախագահին. Սպիտակ տուն

 ԱՄՆ նախագահ Ջո Բայդենը այսօր ժամանակավորապես լիազորությունները կփոխանցի փոխնախագահ Քամալե Հարրիսին, քանի դեռ կգտնվի հիվանդանոցում։ Տեղեկությունը հայտնել է Սպիտակ տան մամուլի քարտուղար Ջեն Փսակին:Բայդենի վարչակազմի՝ ԱՄՆ-ում իշխանության գալուց ի վեր սա առաջին դեպքը կլինի, երբ ԱՄՆ-ի ղեկավարն իր լիազորությունները կփոխանցի փոխնախագահին:«Այսօր առավոտյան նախագահը պլանային բուժզննման կմեկնի Ուոլթեր Ռիդի բժշկական կենտրոն։ Նրան պլանային զննում կկատարեն։ Ինչպես և նախագահ Ջորջ Բուշի դեպքում 2002 և 2007 թվականներին, ԱՄՆ-ի սահմանադրության մեջ շարադրված ընթացակարգին համապատասխան, նախագահ Բայդենը կարճ ժամանակով իշխանությունը կփոխանցի փոխնախագահին, քանի դեռ գտնվում է դեղերի ազդեցության տակ»,-ասված Է Փսակիի գրավոր հայտարարության մեջ:

Նա նաև նշել է, որ օրվա երկրորդ կեսին Սպիտակ տունը բժշկական հետազոտության արդյունքներով գրավոր հաշվետվություն կհրապարակի պետության ղեկավարի առողջական վիճակի մասին:

Մինչ Բայդենը գտնվի հիվանդանոցում, ԱՄՆ փոխնախագահը կաշխատի Սպիտակ տան Արևմտյան թևի իր գրասենյակից:
Ավելի վաղ CNN հեռուստաընկերությունը, հղում անելով իր աղբյուրներին, հայտնել էր, որ փոխնախագահը բողոքում է, որ սահմանափակում են իր լիազորություններ և ակնհայտ ձևական հանձնարարություններ են տալիս, որոնք չեն համապատասխանում իր իրավասություններին: Սպիտակ տունը, սակայն, հերքել էր Բայդենի և Հարիսի լարվածության մասին լուրերը: