«Բարբարոսության» պուրակ․ Եվրախորհրդարանի պատգամավորը դատապարտել է Ադրբեջանում իրականացված ցուցադրությունը

Եվրախորհրդարանի պատգամավոր Նիկոս Անդրոուլակիսը դատապարտել է Ադրբեջանի նախագահի, այսպես կոչված, «ռազմավարի ցուցահանդես-պուրակի» բացումը: Այդ մասին պատգամավորը ապրիլի 12-ին ֆեյսբուքյան գրառում է արել։

Այդ պուրակը Նիկոս Անդրոուլակիսը անվանել է «բարբարոսության» պուրակ, որով Ալիևն անարգել է պատերազմում զոհված հայ զինվորների հիշատակը։

«Միջազգային կազմակերպությունները չեն կարող լռել այս ամոթալի միջնադարյան դրսևորումների մասին, որոնք խայտառակում են մարդկությանը»,- ասել է նա։