Բժիշկները պարզել են, թե ինչպես է COVID-19-ը ազդում մարդու սրտի վրա

Սրտաբան Իշահ Սեկելը , ով աշխատում է Թել Ավիվի բժշկական կենտրոններից մեկում, գործընկերների հետ պարզել է, թե ինչպես է  COVID-19-ը ազդում մարդու սրտի վրա։

Այս մասին նա խոսել է The Times of Israel-ի հետ զրույցում։

Գիտնականների խումբը պարզել է, որ կորոնավիրուսը վնասում է աջ փորոքը (սրտի աջ կողմ)։Նման պատկեր է հինգ հիվանդից երկուսի մոտ։

-Հոսպիտալացված հիվանդների 40% -ը տառապում է աջ փորոքի խանգարումից։ Կորոնավիրուսը հազվադեպ վնասում է ձախ փորոքը։ Մենք ցույց տվեցինք, թե իրականում ինչ է կատարվում և սա առաջին քայլերից է՝ հիվանդությունը հասկանալու համար՝ կապված սրտի հետ։ Ես դա մեծ քայլ եմ համարում,-ասել է սրտաբանը։

Սրտաբանը բացատրել է, որ աջ փորոքը արյուն է մղում դեպի թոքեր , իսկ վարակի դեպքում այդ գործընթացը բարդանում է։ Բժիշկը կոչ է արել հետազոտություններ սկսել՝ այս ուղղությամբ բուժում կազմակերպելու համար, օրինակ՝ փորձել աջ փորոքի վրա ճնշումը թուլացնել։

Արյան շրջանառության մեծ շրջանից վերին և ստորին սիներակների միջոցով աջ նախասիրտ է լցվում թթվածնով աղքատ արյունը, որն այնուհետև անցնում է աջ փորոք, որտեղից այն մղվում է թոքային շրջանառության։ Արյունը մղվում է թոքեր, որտեղ արտազատվում է ածխաթթու գազը և արյունը նորից հարստանում է թթվածնով։ Արյունը թոքային շրջանառությունից վերադառանում է սրտի ձախ նախասիրտ, անցնում՝ ձախ փորոք և աորտայի միջոցով մղվում դեպի օրգաններ, որտեղ թթվածինն օգտագործվում է նյութափոխանակության մեջ՝ վերածվելով ածխաթթու գազի։