Գագիկ Ծառուկյանը վարակվել է կորոնավիրուսով

ՀՀ ԱԺ «Բարգավաճ Հայաստան» խմբակցության ղեկավար Գագիկ Ծառուկյանի մոտ հաստատվել է նոր տիպի կորոնավիրուս:

«Արմենպրես»-ի հետ զրույցում այս մասին ասաց Ծառուկյանի պաշտպան Էմին Խաչատրյանը:

«Ընդհանուր առմամբ ինքն իրեն լավ է զգում, սակայն 37.1 կամ 37.2 աստիճան ջերմություն է ունենում, երեկոյան մի փոքր բարձրացել էր: Ինձ հայտնել էին նաև, որ Գագիկ Ծառուկյանի մոտ թեթև թոքաբորբի ախտանշաններ են նկատվում»,- նշեց Խաչատրյանը:

ԲՀԿ ղեկավարը նույնպես անդրադարձել է իր վարակվելու փաստին՝ ֆեյսբուքի էջում գրելով․

««Փաստորեն բարի մարդկանց ևս կորոնավիրուսը չի շրջանցում))) Առողջություն բոլոր վարակակիրներին: Աստված պահապան մեզ բոլորիս։

Փաստորեն բարի մարդկանց ևս կորոնավիրուսը չի շրջանցում)))

Առողջություն բոլոր վարակակիրներին:

Աստված պահապան մեզ բոլորիս»։