Գորիսի քաղաքապետ Առուշ Առուշանյանը կալանավորվել է

Գորիսի քաղաքապետ Առուշ Առուշանյանը երկու ամսով կալանավորվեց: Երեւան քաղաքի ընդհանուր իրավասության դատարանը քիչ առաջ հրապարակեց որոշումը՝ այսպիսով բավարարելով ՀՔԾ քննիչի միջնորդությունը:

Այս մասին լրագրողների հետ զրույցում հայտնեց նրա պաշտպան Արմեն Մելքոնյանը: Նշենք, որ Առուշանյանը մասնակցում էր որոշման հրապարակմանը:

Հիշեցնենք, որ Գորիսի քաղաքապետը մեղադրվում է ՀՀ ՔՕ 35-154 հոդվածի 4-րդ մասի 2-րդ կետով (քվեարկության գաղտնիությունը խախտելը նախապատրաստելը), ՀՀ ՔՕ 38-149 հոդվածի 2-րդ մասի 4-րդ կետով (ընտրական իրավունքի իրականացմանը խոչընդոտելը, կազմակերպելը կամ օժանդակելը, որը կատարվել է պաշտոնեական դիրքը օգտագործելով), ՀՀ ՔՕ 38-154 հոդվածով (քվեարկության գաղտնիությունը խախտելը կազմակերպելը կամ օժանդակելը):Առուշանյանը փոխկապակցված է Քարահունջի համայնքապետի հետ առնչվող գործին: