Գևորգ Կոստանյանին կալանավորելու միջնորդության վերաբերյալ որոշումը կհրապարակվի դեկտեմբերի 4-ին

Երևանի ընդհանուր իրավասության դատարանը դեկտեմբերի 4-ին կհրապարակի Հայաստանի նախկին գլխավոր դատախազ Գևորգ Կոստանյանին կալանավորելու՝ Հատուկ քննչական ծառայության միջնորդության վերաբերյալ որոշումը։
Նշենք, որ ՀՔԾ-ն Մարտի 1-ի գործով մեղադրյալ է ներգրավել 2008-ին նախագահի օգնականի պաշտոնը զբաղեցրած Կոստանյանին, ով գտնվում է Մոսկվայում։ Կոստանյանին 48 ժամ էր հատկացվել Հայաստան վերադառնալու համար, որպեսզի մեղադրանք առաջադրվեր։ Բայց նախկին գլխավոր դատախազը մատնանշված ժամանակահատվածում չվերադարձավ, ինչից հետո էլ ՀՔԾ-ն նրա նկատմամբ հետախուզում հայտարարեց։