Դելիի իշխանությունները օդի աղտոտվածությունը նվազեցնելու համար արգելել են կենտ թվով ավարտվող համարանիշներով մեքենաների երթևեկությունը

Հնդկաստանի մայրաքաղաք Դելիի իշխանությունները, փորձելով նվազեցնել օդի աղտոտվածությունը, արգելել են կենտ թվով ավարտվող համարանիշներով մեքենաների երթևեկությունը,-հայտնում է Reuters-ը:

Քաղաքային կառավարությունը հայտարարել է հանրային առողջության ոլորտում արտակարգ իրավիճակի մասին և մինչև նոյեմբերի 15-ը մտադիր է պահպանել սահմանափակումները մասնավոր տրանսպորտային միջոցների համար:

Ըստ պաշտոնական տվյալների՝ ավտոմեքենաների և արդյունաբերական արտանետումները տարվա ընթացքում կազմում են Դելիի օդի աղտոտվածության ավելի քան 50%-ը:

Ըստ AirVisual օդի որակի ինդեքսի անկախ առցանց մոնիթորինգի տվյալների՝ նոյեմբերի 4-ին Դելին դարձել է աշխարհի ամենախոշոր քաղաքներից ամենաաղտոտվածը: