Եթե թուլացնենք մեր զգոնությունը, ապա կարող ենք շատ արագ վերադառնալ ամենաճգնաժամային իրավիճակին

Չթուլացնել զգոնությունը, շարունակել հետևել հակահամաճարակային կանոնների պահպանմանն առավել մեծ ուշադրությամբ:

Այս մասին ճեպազրույցի ժամանակ ասաց վարչապետ Նիկոլ Փաշինյանը:

«Ըստ էության՝ մեր բրիֆինգի նպատակը ոչ այնքան համաճարակային իրավիճակի բարելավման մասին հայտնելն է, այլև ահազանգելը, որ եթե այս ֆոնին մենք թուլացնենք մեր զգոնությունը, ապա կարող ենք շատ արագ վերադառնալ ամենաճգնաժամային իրավիճակին և թվերի լրջագույն աճ ունենալ:

Ես ուզում եմ հիշեցնել, որ նման նախազգուշական ահազանգերով հանդես էինք գալիս նաև հունիս-հուլիսի պիկի ժամանակ, հույս ունենք, որ այս անգամ մեր ահազանգին հանրության վերաբերմունքը կլինի մի փոքր այլ:

Այսինքն՝ անկախ բոլոր հանգամանքներից, անկախ լավատեսական լուրերից, հակահամաճարակային կանոնները կպահպանվեն, մանավանդ որ տեսել ենք երկրներ, որոնք որոշակի բարելավումից հետո զգոնության թուլացում են արձանագրել, և այնտեղ իրավիճակը շատ արագ ոչ միայն վերադարձել է նախկին վիճակին, այլ ավելի է վատացել»,- ասաց վարչապետը: