ԵՄ-ն Ռուսաստանի նկատմամբ նոր պատժամիջոցներ է պատրաստում

Եվրահանձնաժողովը և ԵՄ դիվանագիտության ղեկավար Ժոսեֆ Բորելը հայտարարել է, որ Եվրոպական խորհրդի խնդրանքով, առաջիկա ամիսներին պատրաստելու են Ռուսաստանի նկատմամբ նոր սահմանափակող միջոցներ, որոնք կկիրառվեն այն դեպքում, երբ Ռուսաստանը կշարունակի խախտել միջազգային իրավունքը ԵՄ անդամ և հարևան երկրներում», գրում է Interfax-ը:

ԵՄ բարձրաստիճան պաշտոնյան նշել է, որ միաժամանակ մշակելու են մի շարք հարցերի շուրջ Ռուսաստանի հետ փոխգործակցության տարբերակներ:

Ըստ Բորելի, Եվրամիությունը շահագրգռված է Ռուսաստանին ներգրավել գլոբալ խնդիրների լուծման գործում, քանի որ Մոսկվան համաշխարհային ասպարեզում գլխավոր դերակատար է: «Ուզես թե չուզես, Ռուսաստանը համաշխարհային ասպարեզում գլխավոր դերակատար է, և այն մեծացրել է իր քաղաքական ներկայությունը աշխարհի շատ մասերում, ներառյալ այն երկրներում, որտեղ ԵՄ իր շահերն ունի՝ Լիբիա, Աֆղանստան, Լեռնային Ղարաբաղ, Սիրիա, ինչպե նաև Իրանի միջուկային ծրագրի համատեղ գործողությունների համապարփակ ծրագիրը, որի մի կողմը Ռուսաստանն է»,- ասել է Բորելը և ընդգծել, որ առանց Ռուսաստանի հնարավոր չէ լուծել գլոբալ խնդիրները: