«Եռաբլուր»-ում արցախյան ազատամարտում զոհվածների ու անհետ կորածների հուշահամալիր կստեղծվի

ՀՀ վարչապետ Նիկոլ Փաշինյանի որոշմամբ՝ «Եռաբլուր» պանթեոնում արցախյան ազատամարտում զոհվածների ու անհետ կորածների հուշահամալիրի ստեղծման համար աշխատանքային խումբ է ձևավորվել:

Այս մասին համապատասխան որոշման մեջ նշվում է.

Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասով՝

1. «Եռաբլուր» զինվորական պանթեոնում Արցախյան ազատամարտում զոհվածների և անհետ կորածների հուշահամալիրի ստեղծման աշխատանքների համակարգման նպատակով ստեղծել աշխատանքային խումբ և հաստատել դրա անհատական կազմը՝
համաձայն հավելվածի:

Աշխատանքային խմբի կազմում են՝

Ա. Թորոսյան – ՀՀ վարչապետի աշխատակազմի ղեկավար (աշխատանքային խմբի ղեկավար)

Ա. Բաբաջանյան – ՀՀ Ազգային ժողովի պատգամավոր (համաձայնությամբ)

Լ. Ղալթաղչյան – ՀՀ վարչապետի աշխատակազմի ղեկավարի տեղակալ

Ա. Սարգսյան – ՀՀ պաշտպանության նախարարի տեղակալ

Ա. Ադոնց – ՀՀ արտաքին գործերի նախարարի տեղակալ

Կ. Իսախանյան – ՀՀ տարածքային կառավարման և ենթակառուցվածքների նախարարի տեղակալ

Ա. Խզմալյան – ՀՀ կրթության, գիտության, մշակույթի և սպորտի նախարարի տեղակալ

Լ. Մինասյան – ՀՀ արտաքին գործերի նախարարության պետական արարողակարգի ծառայության պետ

Ն. Պետրոսյան – ՀՀ քաղաքաշինության կոմիտեի նախագահի տեղակալ

Գ. Մելքոմ Մելքոմյան – Երևանի քաղաքապետի տեղակալ (համաձայնությամբ)

Ս. Սիմոնյան – ՀՀ վարչապետի աշխատակազմի սոցիալական հարցերի վարչության պետի պարտականությունները կատարող