Երթևեկության գրաֆիկի փոփոխություն՝ Երևանի մետրոպոլիտենում

Երևանի մետրոպոլիտենի երթևեկության  գրաֆիկում  կլինեն  որոշակի  փոփոխություններ,  մինչև  տեխնիկական  սպասարկման  ավարտը  գնացքների  միջև  երթևեկության  միջակայքը կկազմի 8,5-9 րոպե (նախկին 6-7 րոպեի փոխարեն),-այս մասին տեղեկացավ Երևանի մետրոպոլիտենից:

«Հաշվի առնելով արտակարգ դրության ընթացքում Երևանի մետրոպոլիտենի սակավ ուղևորահոսքը՝ մետրոպոլիտենի էլ․ հավաքակայանում իրականացվում են գնացքների արտահերթ տեխնիկական սպասարկում՝ ТО2 – ТО3 ծավալներով:
Այսօրվանից երթևեկության գրաֆիկում կլինեն որոշակի փոփոխություններ։
Մինչև տեխնիկական սպասարկման ավարտը գնացքների միջև երթևեկության միջակայքը կկազմի 8,5-9 րոպե»,-տեղեկացնում են մետրոպոլիտենից:
Մետրոպոլիտենի տնօրինությունը հայցում է ուղևորների ներողամտությունը՝ պատճառված անհարմարության համար, և տեղեկացնում, որ արվում է ամեն ինչ, որպեսզի աշխատանքներն ավարտվեն հնարավորինս սեղմ ժամկետներում։