Երկրորդ տարին է՝ Կանադան որևէ սպառազինություն չի մատակարարում Ադրբեջանին

Canadian flag waving with Parliament Buildings hill and Library in the background

Երկրորդ տարին անընդմեջ Կանադան որևէ սպառազինություն չի մատակարարում Ադրբեջանին, իսկ 2019-ի հոկտեմբերին դադարեցրել է նաև դեպի Թուրքիա զենքի արտահանումը, հայտնում է Կանադայի Հայ դատի հանձնախումբը:

2017 թ.-ին կանադական մասնավոր ընկերությունների կողմից Ադրբեջանին զրահատեխնիկա վաճառելուց ի վեր, արդեն երկրորդ տարին է, որ Կանադան Ադրբեջանին չի ներառել այն երկրների շարքում, որոնց հետ ռազմական ապրանքների առք ու վաճառք է իրականացնում:

2019 թ.-ի հոկտեմբերին Սիրիայում Թուրքիայի նախաձեռնած «Խաղաղության ակունք» գործողությունից հետո Կանադան նաև արգելեց ռազմական ապրանքների արտահանումը Անկարա, և արգելքն անորոշ ժամանակով երկարաձգվեց 2020 թվականի ապրիլին: