Երվանդ Քոչարի առաջին սիրուն նվիրված ստեղծագործությունները կցուցադրվեն մինչև դեկտեմբերի 10-ը

Նոյեմբերի 28-ին՝ ժամը 15:00-ից Երվանդ Քոչարի թանգարանում բացվել է «Քոչարի Արփենիկը» խորագրով ցուցահանդեսը, որը կգործի մինչև դեկտեմբերի 10-ը: Ցուցահանդեսում ներկայացվում են Երվանդ Քոչարի առաջին սիրուն՝ Արփենիկ Հովսեփյանին նվիրված ստեղծագործությունները։

Նշենք, որ այս տարի լրանում է Քոչարի թանգարանում ներկայացված «Արփենիկի դիմանկարը» գեղանկարի 100 տարին, ինչն էլ այս ցուցադրության կազմակերպման առիթն է հանդիսացել: Գեղանկարի և Քոչարի առեղծվածային և յուրահատուկ մուսաներից մեկի՝ Արփենիկին նվիրված այլ ստեղծագործությունների ցուցադրմանը զուգահեռ, սրահում կհնչի նաև Քոչարի՝ Արփենիկին նվիրված հուշերից մի հատված:

Արփենիկ Հովսեփյանին նվիրված ստեղծագործություններից մի քանիսը թանգարանի հավաքածուի մաս են կազմում, մյուս մասը նեկայացված են այլ թանգարաններում և մասնավոր հավաքածուներում: