Երվանդ Քոչարի 2 ստեղծագործությունները՝ 1926թ. ստեղծված Արևելուհիներ գեղանկարը և 1934թ. ստեղծված Տարածական նկարը նոյեմբերի 5-ից մինչև 2025թ. մարտի 10-ը կներկայացվեն կենտրոնի 5-րդ հարկի ցուցասրահում՝ մեծ արվեստագետի 125-ամյակի կապակցությամբ և որպես Հարգանքի տուրք նրա հիշատակին: Հայտնում են Երվանդ Քոչարի թանգարանից։

Հիշեցնենք, որ նոյեմբերի 27-ին Փարիզի Պոմպիդու կենտրոնում տեղի ունեցավ մեծարման երեկո՝ նվիրված Երվանդ Քոչարի և Սերգեյ Փարաջանովի հոբելյաններին Ֆրանսիայում ՀՀ դեսպան Ա. Խաչատրյանի, Պոմպիդու կենտրոնի նախագահ Լորեն Լե Բոնի, Փարիզի ժամանակակից արվեստի թանգարանի տնօրեն Ք. Ռեյի, Երվանդ Քոչարի հարազատների և այլ հյուրերի մասնակցությամբ:

Նաև՝ դեկտեմբերի 3-ին Քոչարի ստեղծագործությունները ևս մեկ անգամ հիշատակվեցին և ներկայացվեցին Պոմպիդու կենտրոնի տարվա ձեռքբերումները ներկայացնող մեծ ցուցահանդեսի պաշտոնական բացման ժամանակ:

Միջոցառման կազմակերպման հարցում մեծ և նշանակալի ներդրում է ունեցել Ֆրանսիայում ՀՀ նախկին դեսպան տիկին Հասմիկ Տոլմաջյանը: