«Երևանի մանկան տուն» ՊՈԱԿ-ի տնօրենը կալանավորվել է

Վերաքննիչ քրեական դատարանը՝ դատավոր Արմեն Դանիելյանի նախագահությամբ, բավարարել է դատախազության բողոքը «Երևանի մանկան տուն» ՊՈԱԿ-ի տնօրեն Լիանա Կարապետյանի նկատմամբ որպես խափանման միջոց ընտրել կալանավորումը։

Նշենք, որ Երևանի ընդհանուր իրավասության դատարանը՝ դատավոր Ռոբերտ Պապոյանի նախագահությամբ, թույլատրելի էր համարել Լիանա Կարապետյանի նկատմամբ գրավի կիրառումը՝ գրավի չափ սահմանելով 3 մլն դրամը։

Կարապետյանը մեղադրվում է ՀՀ քրեական օրենսգրքի 167-րդ հոդվածի 2-րդ մասի 2-րդ և 3-րդ կետերով և նույն օրենսգրքի 314-րդ հոդվածի 1-ին մասով, այն է՝ մի խումբ անձանց կողմից նախնական համաձայնությամբ, պաշտոնեական դիրքն օգտագործելով, երեխային մորից բաժանելը և պաշտոնեական կեղծիք կատարելը։