Երևանի մնջախաղի պետական թատրոնն իր սեփական շենքը կունենա

Գևորգ Քոչար 21 հասցեում` Դրամատիկական թատրոնի հարևանությամբ կգործի Երևանի մնջախաղի պետական թատրոնը,- այս մասին դեկտեմբերի 12-ին լրագրողների հետ հանդիպմանը հայտնեցին ՀՀ կրթության, գիտության, մշակույթի և սպորտի նախարարի տեղակալ Արա Խզմալյանն ու թատրոնի գեղարվեստական ղեկավար Ժիրայր Դադասյանը:

ԿԳՄՍ փոխնախարար Արա Խզմալյանի փոխանցմամբ՝ վարչական հատվածի շինարարական աշխատանքների կազմակերպման համար հատկացվել է 46 մլն դրամ, իսկ հաջորդ տարի տրամադրվելու է 166 մլն 373 հազար դրամ:

Երևանի մնջախաղի պետական թատրոնը ստեղծվել է1974թվականին և պետական թատրոնի կարգավիճակ է ստացել1983-ին:

Չունենալով սեփական տարածք՝ թատրոնի բեմադրությունները ներկայացվում ենԵրևանի պատանի հանդիսատեսի թատրոնում՝ վարձակալության հիմունքներով։