ԶՈՒ գլխավոր շտաբի պետի տեղակալն ազատվել է պաշտոնից

ՀՀ նախագահ Արմեն Սարգսյանի հրամանագրով՝ Ստեփան Գալստյանն ազատվել է ՀՀ ԶՈՒ գլխավոր շտաբի պետի տեղակալի պաշտոնից:
«Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 1-ին մասի 4-րդ կետի՝ Ստեփան Գալստյանին ազատել Հայաստանի Հանրապետության զինված ուժերի գլխավոր շտաբի պետի տեղակալի պաշտոնից»,- ասված է հրամանագրում:
Հիշեցնենք, որ դատարանը բավարարել էր Ազգային անվտանգության ծառայության միջնորդությունը և երկու ամսով կալանավորել զինված ուժերի գլխավոր շտաբի պետի տեղակալ Ստեփան Գալստյանին։
Ըստ ԱԱԾ հաղորդագրության՝ Գալստյանը ձերբակալվել էր ՀՀ ազգային անվտանգության ծառայության քննչական դեպարտամենտում ՀՀ զինված ուժերի կարիքների համար ռազմամթերքի մատակարարման գործընթացում չարաշահումներ և առանձնապես խոշոր չափերով հափշտակություններ կատարելու դեպքերի առթիվ քննվող քրեական գործի շրջանակներում։Հիշեցնենք նաև, որ նույն գործի շրջանակներում կալանավորվել են ՀՀ պաշտպանության նախկին նախարար Դավիթ Տոնոյանն ու ԶՈՒ-ին ռազմամթերք մատակարարող ընկերության տնօրեն Դավիթ Գալստյանը (Պատրոն Դավո):