Թբիլիսիի փողոցներից մեկը կկոչվի Սերգեյ Փարաջանովի անունով

Թբիլիսիի փողոցներից մեկը կկրի հանրահայտ ռեժիսոր Սերգեյ Փարաջանովի անունը։ Վրաստանի քաղաքային խորհուրդը Թբիլիսիի մի քանի փողոցները վերանվանելու որոշում է ընդունել։ Տեղեկությունը հայտնում է Sputnik Գրուզիան:

Փարաջանովի անունով կկոչվի Մտածմինդայի շրջանի Կոտե Մեսխիի փողոցում գտնվող նրբանցքը, որտեղ ապրել է նշանավոր ռեժիսորը:

Սերգեյ Փարաջանովը համարվում է ХХ -րդ դարի նշանավոր կինոռեժիսորներից մեկը։ Նրա «Աշուղ Ղարիբ», «Նռան գույնը» և «Մոռացված նախնիների ստվերները» ֆիլմերը լեգենդար են դարձել։

Հայազգի ռեժիսորը ծնվել է Թբիլիսիում 1924 թվականի հունվարի 9-ին Իոսիֆ (Հովսեփ) Փարաջանովի և Սիրան Բեժանովայի ընտանիքում: Ինքը՝ մաեստրոն, համարում էր, որ երեք հայրենիք ունի՝ Հայաստանը, Վրաստանը, և Ուկրաինան։