Թուրքիան վճարել Է Ռուսաստանին C-400-ի մատակարարման դիմաց

Թուրքիան ՌԴ-ին վճարել Է բոլոր միջոցները C-400 հակաօդային պաշտպանության համակարգերի մատակարարման դիմաց, պարտավորագիրը փակվել Է: Այդ մասին հաղորդել է «Ռոստեխ» պետական կորպորացիայի ղեկավար Սերգեյ Չեմեզովը: «Մենք ամբողջությամբ կատարել ենք պարտավորագիրը, այն փակվել է, իսկ դա նշանակում է, որ մենք բեռնառաքել ենք եւ ստացել բոլոր միջոցները»,-Չեմեզովը հայտարարել է լրագրողներին՝ պատասխանելով «Ինտերֆաքս»-ի հարցին: Նա հայտարարել է, որ Անկարայի հետ ռազմատեխնիկական համագործակցության զարգացման հեռանկարներ կան: «Այդ պարտավորագիրը բացառիկ էր, որովհետեւ այն իրականացվել Է ՆԱՏՕ-ի երկրի հետ: Թուրք գործընկերների հետ բանակցություններ ենք վարում նաեւ այլ տեխնիկայի շուրջ, հեռանկարներ կան»,-ասել է Չեմեզովը: «Մենք քննարկում ենք նաեւ բաղադրամասերի արտադրության հնարավորությունը, այն, ինչը կարելի Է արտադրել նրանց մոտ: Չէ՞ որ «Տրիումֆ» C-400-ը բարդ տեխնիկա է: Դրա արտադրությունը զրոյից սկսելն անիրական է»,-հավելել է նա: