Ի՞նչ ունեցվածք է հայտարարագրել ՀՀ արդարադատության նախարար Կարեն Անդրեասյանը

ՀՀ արդարադատության նախարար Կարեն Անդրեասյանը 2021 թվականի օգոստոսի 22-ին բարձրաստիճան պաշտոնատար անձանց էթիկայի հանձնաժողով է ներկայացրել 2021 թվականի իր գույքի և եկամուտների հայտարարագիրը:

Անդրեասյանը որպես նվիրատվություն հայտարարագրել է բնակարան Կենտրոն թաղամասում։ Մեկ շինություն՝ Տավուշում, որը դեռևս իրավունքների պետական գրանցում չունի և մեկ շինություն էլ Հունաստանում, որը նույնպես դեռևս իրավունքների պետական գրանցում չունի:

Անդրեասյանը հայտարարագրել է 51 հազար 800 դոլար ավանդ։ Նախարարը հայտարարագրել է նաև ձեռքի ժամացույց՝ Zenith Class Elite Reserve de Marche բրենդի, որը նվիրատվություն է և արժեքն է 4 միլիոն դրամ:

Որպես դրամական միջոցներ Կարեն Անդրեասյանը հայտարարագրել է 3 միլիոն 840 հազար դրամ, 5342 եվրո, 8117 դոլար և 246 հազար 368 եվրո։ 

Որպես կանխիկ գումար նախարարը հայտարարագրել է 1 միլիոն 200 հազար դրամ:

Անդրեասյանը որպես աշխատանքի դիմաց ստացած եկամուտ հայտարարագրել է 3 միլիոն 640 հազար դրամ, որը ստացել է «Մելլաթ Բանկ» ՓԲԸ-ից, 8 միլիոն 837 հազար դրամ՝ ՄԱԿ-ի զարգացման ծրագրից, 7 հազար 118 դոլար՝ «Չեքի ընդ Քոմփանի Քոնսալթինգից», 902 հազար դրամ՝ «Չեքի ընդ Քոմփանի Քոնսալթինգ Ինկի» հայաստանյան մասնաճյուղից, 4 միլիոն 204 հազար դրամ՝ «Թի ընդ Ջի Գրուպ» ՍՊԸ-ից, 498 դոլար՝ «ԹԵԹՐԱ ԹԵՔ, Ինկից»:

Անդրեասյանի կինը՝ Եվա Առաքելյանը, հայտարարագրել է «Տոյոտա» մակնիշի մեքենա, 12 միլիոն 200 հազար դրամ փոխառություն։ Որպես դրամական միջոց հայտարարագրել է 418 հազար 758 դրամ։ «Էյ Էմ» իրավաբանական ընկերությունից ստացել է 694 հազար դրամ աշխատավարձ։ Անդրեասյանի կինը հայտարարագրել է նաև վարկ «Ինեկո» բանկում՝ 238 հազար դրամ։