«Իմ քայլ»-ի պատգամավորներից երկուսի մոտ կորոնավիրուս է հաստատվել

Ազգային ժողովի «Իմ քայլը» խմբակցության պատգամավոր Վիկտոր Ենգիբարյանը վարակվել է կորոնավիրուսով։ Ենգիբարյանը «Ֆեյսբուք»-ի իր էջում հայտնել է, որ թեստի արդյունքը դրական է:

«Սիրելի ընկերներ, երեկ կեսօրին հանձնել եմ թեստ, արդյունքը՝ դրական։ Որեւէ առողջական խնդիր չունեմ, ինքնամեկուսացվել եմ տանը։ Հավանաբար, ինչ-որ պահի անզգույշ եմ եղել, հավանաբար թերացել եմ կանոնները պատշաճ պահել։ Խնդրում եմ կրեք դիմակ և պահպանեք բոլոր կանոնները, դա կարող է փրկել մարդկանց կյանքեր, այդ թվում ձեզ հարազատ անձանց։ Առողջ եղեք»,- գրել է Ենգիբարյանը:

«Իմ քայլ»-ի պատգամվորներից Քրիստինե Պողոսյանի մոտ ևս կորոնավիրուս է հաստատվել։

Հունիսի 23-ին կորոնավիրուսով վարակված լինելու մասին հայտնել է նաև ԱԺ փոխխոսնակ, «Բարգավաճ Հայաստան» կուսակցության և խմբակցության անդամ Վահե Էնֆիաջյանը: