Իտալիայում աղջիկը սխալմամբ միանգամից ստացել է COVID-19-ի դեմ վեց դեղաչափ պատվաստանյութ

armtimes.com-ը գրում է․Իտալիայում 23-ամյա ուսանողուհուն ներարկել են COVID-19-ի դեմ Պֆայզեր/բիոնտեխ (Pfizer/BioNTech) պատվաստանյութի միանգամից վեց դեղաչափ, հայտնում է Corriere della Sera- ն:

Աղջիկը հայտարարել է, որ պատվաստվել է կիրակի՝ մայիսի 9-ին: Հիվանդանոցի բժշկական անձնակազմն անմիջապես նկատել է սխալը և այդ մասին տեղեկացրել իրեն: Պատվաստումից հետո նա բողոքել է գլխացավից, հոգնածությունից և ձեռքի ցավից: Հիվանդանոցում 24 ժամ հսկողության տակ մնալուց հետո ուսանողուհուն տուն են ուղարկել:

Կորոնավիրուսի պատվաստանյութը հաստատություններին տրամադրվում է վեցական դեղաչափ ամպուլաներով: Իտալուհուն ներարկել էին մի ամբողջ ամպուլա, մինչդեռ արտադրողները չափից մեծ դոզան համարում են չորս դեղաչափը: Բժիշկների մի մասը կարծում է, որ դեղերի ավելցուկից ընդամենը ցանկալի ազդեցություն չեն ստանա: