Իրանի խորհրդարանը հավանություն է տվել միջուկային գործունեության վերակենդանացման նախագծին

Իրանի խորհրդարանը հաստատել է երկրի միջուկային գործունեության վերակենդանացման վերաբերյալ նախագծի ընդհանուր դրույթները, հայտնում է Fars գործակալությունը:

Գործակալության տվյալներով՝ նախագծի ընդհանուր դրույթներին աջակցել է 251 պատգամավոր։ Որոշվել է օրինագիծը քննարկել արագացված կարգով՝ միջուկային ֆիզիկայի մասնագետ Մոհսեն Ֆահրիզադեի սպանությունից հետո:

Ենթադրվում է, որ խորհրդարանը կքննարկի նաև նախագծի առանձին դրույթներ: Բացի այդ, դրա վավերացման համար անհրաժեշտ է Իրանում իշխանության հատուկ գերխորհրդարանական մարմնի՝ Սահմանադրության պահապանների խորհրդի համաձայնությունը, որն իրականացնում է օրինագծերի ստուգում: Այդ դեպքում օրենքը պարտադիր կլինի կատարման համար:

Օրինագիծը, ինչպես ավելի վաղ հաղորդվել էր, նախատեսում է երկրում տարեկան 120 կիլոգրամ 20% հարստացված ուրանի արտադրություն և կուտակում (20% -ից ավելին համարվում է զենք): Վավերացումից հետո Իրանի ատոմային էներգիայի կազմակերպությանը (ԻԱԷԿ) տրվում է երկու ամիս:

Բացի այդ, նախատեսվում է ամսական արտադրել առնվազն 500 կիլոգրամ ցածր հարստացված ուրան: ԻԱԷԿ-ը վավերացումից հետո պետք է անցնի այդ գործին: Այս պահին Իրանը ուրանի հարստացումը կատարում է 4% -ից բարձր մակարդակով՝ համաձայնագրով նախատեսված 3,67% -ի փոխարեն:

Օրինագիծը նաև պարտավորեցնում է կառավարությանը հաստատումից հետո երկու ամսվա ընթացքում դադարեցնել միջուկային օբյեկտներ մուտքի թույլտվությունը, որոնք դուրս են ՄԱԳԱՏԷ-ի հետ լրացուցիչ երաշխիքային արձանագրությունից:

Նախագիծը մատնանշում է սույն արձանագրությանբ ընդլայնված ստուգումների իրականացումը կասեցնելու անհրաժեշտությունը, եթե Իրանը երեք ամիս անց չկարողանա կարգավորել բանկային կապերը Եվրոպայի հետ և կարգավորել այնտեղ նավթի արտահանումը:

Ֆորմալ առումով, նույնիսկ առանց այս նախագծի Իրանը կարող է հարստացումը հասցնել իր համար անհրաժեշտ մակարդակին, նույնը վերաբերում է ցենտրիֆուգների օգտագործմանը, քանի որ նախկինում Թեհրանը որոշում էր կայացրել հրաժարվել միջուկային գործարքի համաձայն ստանձնած պարտավորություններից՝ ի պատասխան այդ համաձայնագրից ԱՄՆ-ի դուրս գալուն: