Իրանի նահանգներից մեկի ղեկավարին ապտակել են ելույթի ժամանակ

Իրանի Արևելյան Ադրբեջան նահանգի նորաթուխ ղեկավար Աբեդին Հորամին ապտակել են ելույթի ժամանակ։ Տեղեկությունը հայտնում է «Дежурный по Ирану» Telegram-ալիքը։Միջադեպը տեղի է ունեցել Հորամին որպես նոր նահանգապետ ներկայացնելու արարողության ժամանակ։ Միջոցառմանը ներկա է եղել նաև Իրանի ներքին գործերի նախարար Ահմադ Վահիդին։Միջադեպից հետո Հորամը կրկին վերադարձել է բեմ։«Ես այդ մարդուն չեմ ճանաչում»,- ասել է նա և հավելել, որ ներում է նրան։Վերջին 4 տարվա ընթացքում Հորամն Արևելյան Ադրբեջան նահանգում զբաղեցրել է Իսլամական հեղափոխության պահապանների կորպուսի (ԻՀՊԿ) ուժերի հրամանատարի պաշտոնը։Ըստ տեղեկությունների` Հորամը վաղուց է կոնֆլիկտ ունեցել իրեն հարվածող մարդու հետ, որը նույնպես հնարավոր է` ծառայել է նահանգի անվտանգության ուժերում։