Իրանում հայտնված ինքնաթիռը շուտով Երևանում կլինի

«Fly Armenia Airways»–ին պատկանող «Boeing 737-300» տիպի ինքնաթիռը, որն ավելի քան 2 ամիս առաջ հայտնվել էր Իրանում, այսօր` տեղական ժամանակով 19:15-ին, վայրէջք կկատարի Երևանի «Զվարթնոց» օդանավակայանում: Տեղեկությունը հայտնում է ՀՀ քաղաքացիական ավիացիայի կոմիտեն։

Ըստ հաղորդագրության` ինքնաթիռի վերադարձը հնարավոր է դարձել ՀՀ արտաքին գործերի նախարարության և քաղաքացիական ավիացիայի կոմիտեի համատեղ ջանքերով և իրանական կողմի հետ արդյունավետ գործակցության արդյունքում։

Քաղաքացիական ավիացիայի կոմիտեն նաև հայտնում է, որ ինքնաթիռի գործի վերաբերյալ անցկացրած քննության և արդյունքների մասին հանդես կգա հավելյալ պարզաբանմամբ։