Իրանցիներին սպառնում է ազատազրկում և մտրակահարություն՝ համացանցն անկախ տեղեկատվություն գտնելու համար օգտագործելու, ինչպես նաև իսկ մահապատիժ՝ լրտեսության համար։
Թեհրանի խորհրդարանն օրենք է ընդունել, որը նախատեսում է տուգանքներ, մտրակահարություն և մինչև երկու տարի ազատազրկում՝ ինտերնետի սահմանափակումները շրջանցելու փորձերի համար։
Իրանի իշխանությունները խիստ վերահսկողություն են իրականացնում երկրի ներքին տեղեկատվական տարածքի նկատմամբ։ Պետական ԶԼՄ-ները մնում են բնակչության համար լուրերի հիմնական աղբյուրները, և հատկապես, ճգնաժամային ժամանակահատվածներում կառավարությունը դիմում է ինտերնետի անջատմանը։
Իրանում աշխարհում կատարվողի մասին օբյեկտիվ տեղեկատվություն ստանալը դժվար է։ Այժմ նրանք, ովքեր փորձում են շրջանցել ինտերնետի պաշտոնական սահմանափակումները (օրինակ՝ ամերիկյան Starlink արբանյակային ինտերնետի միջոցով), ենթակա են այդպիսի խիստ պատժամիջոցների։
Որքանով է Starlink-ը տարածված Իրանում, ճշգրիտ տվյալներ չկան, սակայն ենթադրվում է, որ դրա արժեքը գերազանցում է իրանական շատ ընտանիքների ֆինանսական հնարավորությունները։ Այնուամենայնիվ, դա տեղեկատվության հասանելիության հազվագյուտ տարբերակներից մեկն է, երբ իշխանությունները անջատում են ինտերնետը, ինչպես դա վերջերս տեղի ունեցավ Իսրայելի հետ հակամարտության ժամանակ։
Բացի այդ, խորհրդարանը քվեարկել է ենթադրյալ լրտեսական գործունեության համար պատիժ, այն է՝ մահապատիժ սահմանելու մասին․այժմ «օպերատիվ հանցակցության» դեպքում կարող է կիրառվել մահապատիժ։ Շատերի կարծիքով՝ նման միջոցառումները հիմնականում ծառայում են ընդդիմադիր տրամադրված քաղաքացիներին վախեցնելուն։
Երկու որոշումներն էլ դեռ պետք է հաստատվեն Սահմանադրության պահպանության խորհրդի կողմից։ Սակայն, ինչպես նշում են մասնագետները, նման դեպքերում դա սովորաբար ձևականություն է։