Լավրովը պաշտոնական այցով ժամանել է Երևան

Այսօր՝ կիրակի երեկոյան ՌԴ ԱԳ նախարար Սերգեյ Լավրովը ժամանել է Հայաստան: Այս մասին հայտնում է РИА Новости-ն:

Լավրովի այցի մեկնարկը կտրվի Հայրենական մեծ պատերազմում հաղթանակի 75-ամյակին նվիրված ցուցահանդեսի բացման այցելությանը ՀՀ ԱԳ նախարար Զոհրաբ Մնացականյանի հետ մասնակցելուց: Միջոցառումն անցկացվելու է Հայաստանի Ազգային պատկերասրահում:

Ավելի վաղ ՌԴ  արտաքին քաղաքականության գերատեսչությունը հայտնել էր, որ Լավրովի այցը կավարտվի նոյեմբերի 11-ի երեկոյան: Նախատեսված են հանդիպումներ ՀՀ վարչապետ Նիկոլ Փաշինյանի եւ նախագահ Արմեն Սարգսյանի հետ, ինչպես նաեւ բանակցություններ՝ ԱԳ նախարար Զոհրաբ Մնացականյանի հետ: Նախատեսվում է երկկողմ հարաբերություններին առնչվող մի շարք հարցերի քննարկումներ, այդ թվում՝ ԵԱՏՄ-ի, ՀԱՊԿ-ի և ԱՊՀ-ի շրջանակներում արտաքին քաղաքական փոխգործակցության վերաբերյալ: