Լիտվան պաշտպանում է Հայաստանի տարածքային ամբողջականությունը

Լիտվայի Սեյմասի փոխնախագահ Անդրիուս Մազուրոնիսն այսօր ԱԺ նախագահի տեղակալ Ռուբեն Ռուբինյանի հետ հանդիպման ժամանակ ասել է, որ Լիտվան պաշտպանում է Հայաստանի տարածքային ամբողջականությունը և կողմ է ռազմական ուժի բացառմանը: Տեղեկությունը հայտնում է Ազգային ժողովի մամուլի ծառայությունը։Հանդիպման ընթացքում Ռուբինյանը խոսել է հայ-ադրբեջանական սահմանագծի արևելյան հատվածում նոյեմբերի 16-ին ադրբեջանական ԶՈւ հերթական սադրանքի մասին։ ԱԺ փոխնախագահը կատարվածն անվանել է ագրեսիա Հայաստանի ինքնիշխանության ու տարածքային ամբողջականության նկատմամբ: