«Լուսավոր Հայաստանը» ԿԸՀ-ից պահանջում է Բաբաջանյանի մանդատը

ԱԺ «Լուսավոր Հայաստան» խմբակցությունը գրությամբ դիմել է ՀՀ կենտրոնական ընտրական հանձնաժողով՝ վերականգնելու համար ՀՀ ԱԺ «Լուսավոր Հայաստան» խմբակցության մեկ մանդատը։ 

Պատգամավոր Անի Սամսոնյանը մանրամասնում է.

«Մեր կողմից ներկայացվել են իրավական հիմնավորումներ առ այն, որ ՀՀ ընտրական օրենսգրքի պահանջն է խորհրդարանում 1/3-ից ոչ պակաս ընդդիմության առկայությունը, իսկ ԱԺ կանոնակարգի վերլուծությունն ուղղակիորեն վկայում է այն մասին, որ ընդդիմադիր կարող է համարվել բացառապես մեկ սուբյեկտ՝ խմբակցությունը։

ԿԸՀ սպասվող նիստի և դիմումի քննության ընթացակարգերի մասին հավելյալ կտեղեկացնենք»։

Ըստ դիմումի, խնդիրն առաջացել է այն բանից հետո, երբ «Լուսավոր Հայաստան»-ի ցուցակով խորհրդարան անցած Արման Բաբաջանյանը դուրս է եկել խմբակցությունից ու վայր չի դրել մանդատը։

Գրության մանրամասները նա կցել է գրառմանը։