Տրանսպորտի թանկացումների դեմ բողոքի ակցիայի դուրս եկած Երևանի նախկին քաղաքապետ Հայկ Մարությանին միացավ ՀԱԿ փոխնախագահ Լևոն Զուրաբյանը։
«Եկել եմ աջակցելու Հայկ Մարությանի կազմակեպած արշավին, և ինք էլ դա ցուցադրեց Ավինյանի հետ բանավեճին, որ հաշվարկները ճիշտ են, սա ճիշտ մոտեցում է»,-ասաց Զուրաբյանը։
Զուրաբյանն նշեց, որ ինքը անհատապես է եկել աջակցելու, բայց հնարավոր է՝ կուսակցության որոշում կայացնեն և աջակցեն։
«Հայկ Մարությանը ոչ կուսակցական արշավ է անում, դրա համար ես եկել եմ որպես անհատ, բայց վստահ եմ՝ մեր կուսակցության բազմաթիվ անդամներ նույն կարծիքին են, և շատ հնարավոր է, որ մենք նաև կուսակցությամբ որոշում ընդունենք»,-ասաց նա։
Զուրաբյանը հայտնել է՝ չի բացառվում, որ 2026 թվականի ընտրություններին ՀԱԿ-ը միանա Հայկ Մարությանին։