Ծանրորդ Անդրանիկ Կարապետյանն Աշխարհի առաջնությունում փոքր ոսկե մեդալ նվաճեց

Ծանրորդ Անդրանիկ Կարապետյանը Տաշքենդում ընթացող Աշխարհի առաջնությունում փոքր ոսկե մեդալ է նվաճել: Այս մասին տեղեկացնում է ՀՀ կրթության, գիտության, մշակույթի և սպորտի նախարարությունը:

Պոկում վարժությունում առաջին մոտեցմամբ Կարապետյանը գլխավերևում պահել է 167 կգ, երկրորդ մոտեցմամբ՝ 172 կգ, իսկ երրորդ մոտեցմամբ՝ 175 կգ ծանրաձողը՝ արժանանալով փոքր ոսկուն:

Հրում վարժությունը Կարապետյանը ձախողել է՝ չկարողանալով բարձրացնել 196 կգ կշռող ծանրաձողը և վնասվածք ստացել:

Նշենք, որ վաղը Հայաստանն ունի երկու ներկայացուցիչ: 96 կգ քաշում կմրցեն Դավիթ Հովհաննիսյանը և Հակոբ Մկրտչյանը՝ համապատասխանաբար B և A ենթախմբերում:

Դեկտեմբերի 14-ին աշխարհի առաջնությունում Հայաստանը կունենա երկու ներկայացուցիչ: 96 կգ քաշայինների B ենթախմբում ժամը 12:00-ին հարթակ դուրս կգա Դավիթ Հովհաննիսյանը, իսկ ժամը 15:00-ին արդեն A ենթախմբում հանդես կգա Հակոբ Մկրտչյանը: Դեկտեմբերի 15-ին՝ ժամը 18:00-ին, 102 կգ քաշայինների A ենթախմբում Սամվել Գասպարյանը և Արսեն Մարտիրոսյանը կպայքարեն մեդալների համար: Նույն օրը կանանց 81 կգ քաշայինների A ենթախմբում պայքարի մեջ կմտնի Տաթև Հակոբյանը: Մեկնարկը ժամը 15:00-ին է: Դեկտեմբերի 16-ին Հայաստանը մեկ ներկայացուցիչ կունենա ԱԱ-ում․ 109 կգ քաշայինների պայքարում մեդալի համար կպայքարի Սիմոն Մարտիրոսյանը: Մրցումային վերջին օրը՝ դեկտեմբերի 17-ին, գերծանրքաշային կարգում պայքարի դուրս կգան Վարազդատ Լալայանը և Գոռ Մինասյանը: Մրցելույթի մեկնարկը 15:00-ին է: